दैलेख।दैलेखमा ठूलो मात्रामा खनिज ग्यासको भण्डार रहेको प्रारम्भिक अन्वेषणबाट पुष्टि भएको छ। दैलेखको भैरवी गाउँपालिका–१ जलजले क्षेत्रमा मीथेन ग्यासको विशाल भण्डार रहेको जानकारी त्यहाँ अन्वेषण कार्य गरिरहेको चिनियाँ कम्पनीले दिएको अधिकारीहरूले बताएका छन्।

यसअघि चीनको चाइना जिअलजिकल सर्भे (China Geological Survey) ले गरेको प्रारम्भिक अध्ययनमा उक्त क्षेत्रमा उल्लेख्य मात्रामा ग्यास रहेको देखिएको थियो। सोही अध्ययनको विस्तृत प्रतिवेदनका आधारमा चिनियाँ कम्पनीले जलजले क्षेत्रमा करिब ८० अर्ब ७० करोड घनमिटर मीथेन ग्यास रहेको विवरण नेपाल सरकारको खानी तथा भूगर्भ विभागलाई जानकारी गराएको हो।