कालिकोट। कालिकोटको रास्कोट नगरपालिका–१ सिप्खानामा भीरबाट लडेर एक युवाको मृत्यु भएको छ। मृत्यु हुनेमा स्थानीय २६ वर्षीय दिपक बम रहेका छन्।

शनिबार घर नजिकै रहेको गौडेमेला भीरबाट खस्दा उनको घटनास्थलमै मृत्यु भएको हो। बाख्रा चराएर फर्काउने क्रममा खुट्टा चिप्लिँदा उनी करिब ८ सय मिटर तल खसेको प्रारम्भिक जानकारी प्राप्त भएको छ।

घटनाबारे जानकारी दिँदै वडाध्यक्ष उदयराम आचार्यले बाख्रा फर्काउने क्रममा दुर्घटना भएको पुष्टि गरेका छन्। मृतक बम स्थानीय रजबहादुर बमका छोरा हुन्।

मृतकको शव परीक्षण तथा अन्य कानुनी प्रक्रिया पूरा गरी आइतबार दाहसंस्कार गरिने परिवारले जनाएको छ।