केशवराज पौडेल । जेष्ठ नागरिक दुल्लू नगरपालिका संघले आज एक कार्यक्रमको आयोजना गरि सार्वजनिक सुनुवाई सम्पन्न गरेको छ। दुल्लू नगरपालिका पाँच चौतारा स्थित आफ्नो अस्थायी कार्यालयको प्राङगणमा कार्यक्रम भएको हो । उपस्थिित सबैभन्दा जेष्ठ टिकाराम थापाको अध्यक्ष्यतामा भएको हो ।
जेष्ठ नागरिक संघ दैलेखका अध्यक्ष बिर बहादुर भण्डारी , दुल्लू नगरपालिका वडा नंन पाँचका वडा अध्यक्ष पुर्ण प्रसाद उपाध्याय , नगर पालिका भित्रका र संघमा रहेका जेष्ठ नागरिक र पत्रकारको उपस्थिति रहेको थियो । उक्त कार्यक्रममा जेष्ठ नागरिक दुल्लू नगरपालिका संघका अध्यक्ष कृष्ण बहादुर भण्डारीले गत आर्थिक बर्षमा गरेका सम्पुर्ण गतिबिधिको प्रतिवेदन प्रस्तुत गर्नुभएको थियो।
कार्यक्रममा बोल्दै जेष्ठ नागरिक संघ दैलेखका अध्यक्ष बिर बहादुर भण्डारीले जिल्ला भरिका सबै स्थानिय तहमा रहेका जेष्ठ नागरिक संघका पक्की भवन छिटै बनाउने प्रयासमा रहेको बताउनु भयो साथै उहाँले जेष्ठ नागरिकका हितका लागी सरकारका बिभिन्न निकाय संग सहयोग माग्दै आवाज उठाईरहेको र यस्तै समाजसेवा गरिरहने जानकारी दिनुभयो । साथै पार्दशिताका लागी जेष्ठ नागरिक संघले कार्यालय प्रयोजनका लागी खरिद गरिएका सामानहरु र सम्पुर्ण खाध्यान्नका सामानहरु कार्यक्रम स्थलमै प्रदशन गरिएका थिए । जेष्ठ नागरिक दुल्लूको आफ्नै भवन निर्माणधिन अवस्थामा छ ।
जेष्ठ नागरिक दुल्लू नगरपालिका संघका अध्यक्ष कृष्ण बहादुर भण्डारीले संघको काममा खटिने र बिपन्न अशक्त जेष्ठ नागरिकलाई न्यानो कपडा र नगदले सम्मान गरिएको र आगामी दिनमा पनी गर्दै जाने बताउनु भयो । आउदा दिनमा पनी समयसमयमा सार्वजनिक सुनुवाई कार्यक्रम गरिरहने अध्यक्ष भण्डारीले बताउनु भयो ।
